ԵԱՏՄ ԱՆԴԱՄ-ԵՐԿՐՆԵՐԻ ՓՈՐՁԱԳԻՏԱԿԱՆ ԽՄԲԻ ՆՍՏԱՇՐՋԱՆԸ ԵՐևԱՆՈՒՄ

2022թ․ հոկտեմբերի 06-07-ը Երևանի «Holiday Inn Yerevan» հյուրանոցում՝ Ավանդների հատուցումը երաշխավորող հիմնադրամի հյուրընկալությամբ, կայացավ Եվրասիական տնտեսական հանձնաժողովի ֆինանսական շուկաների խորհրդատվական կոմիտեին կից ԵԱՏՄ երկրների բանկային ավանդների ապահովագրման, բանկերի/վարկային կազմակերպությունների լուծարման և առողջացման ոլորտների օրենսդրությունների ներդաշնակեցման հարցերով փորձագիտական խմբի (այսուհետ՝  Փորձագիտական խումբ) հերթական նստաշրջանը։

Փորձագիտական խումբը  քննարկում է ավանդների ապահովագրման ոլորտին վերաբերող օրենսդրությունների կարգավորումները, ուսումնասիրում է միջազգային լավագույն փորձը, գնահատում է ԵԱՏՄ երկրների ավանդների ապահովագրման համակարգերի համապատասխանությունը միջազգային ստանդարտներին, այն է՝ ավանդներ ապահովագրողների միջազգային ասոցիացիայի (International Association of Deposit Insurers) կողմից ստեղծված ավանդների ապահովագրման արդյունավետ համակարգերի հիմնարար սկզբունքներին:

Փորձագիտական խմբի երկօրյա նստաշրջանի ընթացքում անդրադարձ կատարվեց հետևյալ հարցերին.

 Ավանդներ ապահովագրողների իրավական պաշտպանությունը

• Ավանդներ ապահովագրողների միջոցների ներդրման մոտեցումները
• Ավանդներ ապահովագրողների իրավասությունները բանկերի կարգավորման գործընթացներում:

 Միջոցառման շրջանակներում տեղի ունեցավ նաև ԵԱՏՄ անդամ երկրների ավանդներ ապահովագրող կազմակերպությունների ղեկավարների հանդիպում, որի ընթացքում առանձնացվեցին Փորձագիտական խմբի կողմից հետագայում քննարկվելիք գերակա թեմաները: